Հայ

ԿԱՐԻԵՐԱՅԻ ԿԵՆՏՐՈՆՆԵՐԸ`  ԿԱՅԱՑՄԱՆ ՃԱՆԱՊԱՐՀԻՆ

 

Հոկտեմբերի 23-ին Վայոց ձորի տարածաշրջանային պետական քոլեջում <<Գլոբալ զարգացումներ>> հիմնադրամի կողմից անցկացվեց իրազեկման համաժողով ՄԿՈՒ հաստատությունների համար <<ՄԿՈՒ հաստատություններում կարիերայի կենտրոնների հիմնադրում և զարգացում>> թեմայով: Համաժողովին հրավիրված էին տարածաշրջանային և ոչ տարածաշրջանային մի շարք քոլեջների /Արարատի, Գեղարքունիքի, Սյունիքի մարզեր/ տնօրեններ և կարիերայի կենտրոնի խորհրդատուներ: Համաժողովի հիմնական նպատակը տարածաշրջանային պետական քոլեջների կարիերայի կենտրոնների աշխատանքային փորձի և ձեռքբերումների փոխանցելն էր ոչ տարածաշրջանային պետական քոլեջներին, ինչպես նաև ՄԿՈՒ հաստատություններում կարիերայի կենտրոններին զարգացման ուղեցույցի քննարկումը, կատարած աշխատանքների, առկա խնդիրների և սպասվելիք արդյունքների ներկայացնելը:

<<Գլոբալ զարգացումներ>> հիմնադրամի տնօրեն Արամ Ավագյանը իր ելույթում կարևորեց ՄԿՈՒ հաստատություններում կարիերայի կենտրոնների արդյունավետ և նպատակային գործունեությունը, մասնավորապես շրջանավարտների զբաղվածության խնդրի հնարավորինս լուծումը, աշխատաշուկայի փոփոխվող պահանջներին համապատասխան մրցունակ որակներ ձեռք բերելը և այլն:

Մասնագիտական կողմնորոշման մեթոդական կենտրոնի զարգացման ծրագրերի համակարգող Գոհար Ասլանյանը ներկայացրեց Հայաստանում կարիերայի ուղղորդման համակարգի զարգացման հեռանկարները, ապա տարածաշրջանային պետական քոլեջների խորհրդատուները ներկայացրեցին իրենց կատարած աշխատանքները:

Արամ Ավագյանը իբրև այս ոլորտի կարևոր առաջընթաց, ի թիվս մի շարք ձեռքբերումների, հավելեց նաև այն, որ նախատեսվում է սեպտեմբերից նոր մոդուլ ներառել ուսումնական գործընթացում` <<Կարիերայի կառավարում>>, ինչն ավելի կնպաստի ոլորտի կայացմանը, տեղեկատվական մակարդակի բարձրացմանը և գործառույթների արդյունավետ իրականացմանը:

Վերջում ծավալվեց ակտիվ զրույց – քննարկում տարածաշրջանային և ոչ տարածաշրջանային պետական քոլեջներին ներկայացուցիչների միջև, պարզաբանվեցին որոշ խնդիրներ և ուրվագծվեցին հետագա անելիքները:

Համաժողովի մասնակիցները տպավորված էին Վայոց ձորի տարածաշրջանային պետական քոլեջի ջերմ հյուրընկալությունից, ուսումնական գործընթացից, նյութատեխնիկական հարուստ հնարավորություններից և շենքային բարեկարգ պայմաններից:

 Վայոց ձորի տարածաշրջանային պետական քոլեջի

տնօրեն Խաչանուշ Սարգսյանին

 

 

Մեծարգո տիկին Խ. Սարգսյան…

Սույն նամակով ես իմ խոհերն ու տպավորություններն եմ բարձրաձայնում նվիրյալ հայորդի, հասարակական – քաղաքական անվանի գործիչ Ֆ. Ղազարյանի հիշատակին նվիրված ցերեկույթի կապակցությամբ:

Հենց սկզբից նշեմ, որ այն շատ կարևոր, անհրաժեշտ նախաձեռնություն էր և անցկացվեց բարձր մակարդակով: Քոլեջի ղեկավարությունը նախանձախնդիր մանրակրկիտությամբ էր նախապատրաստվել սույն միջոցառմանը, հաշվի էին առնվել ոչ միայն կարևոր հանգամանքները, այլև բոլոր մանրուքներն ու էպիզոդիկ պահերը:

Միջոցառմանը առաջին իսկ պահից մինչև ավարտը քոլեջի հյուրընկալ կամարների ներքո իշխում էր ջերմ հայրենասիրական ոգին, հանդիսավոր ու արժանապատիվ ոճն ու մթնոլորտը:

Բուն հանդիսությունը, որը տեղի ունեցված քոլեջի դահլիճում, աչքի ընկավ ոչ շաբլոն, ոչ ստանդարտ լուծումներով: Այն թարմ խոսք էր, ուրույն մեթոդներով և հետաքրքիր անցումներով:

Այդ ամենի բաղկացուցիչ մասն էին նաև հրավիրյալ հյուրերի պատշաճող խոսքն ու արժանապատիվ պահվածքը:

Սույն գեղեցիկ, բովանդակալից հանդեսի անցկացումը վկայությունն է այն բանի, որ  Վայոց ձորի տարածաշրջանային պետական քոլեջում հայրենասիրական լավագույն  ավանդույթներ են ձևավորվել և առկա է գաղափարական ու բարոյական բարձր մթնոլորտ: Իսկական հայրենասիրությունը և բարձր բարոյականությունը նաև այս կարգի ձեռնարկներով են միս ու արյուն ստանում, ազգային ու համամարդկային ճշմարտացի արժեքներով սնուցում սերունդների հոգևոր աշխարհը:

Շնորհակալիքի և երախտագիտության ջերմ զգացումներով մենք հրաժեշտ տվեցինք Ձեր գլխավորած կրթական հաստատությանն ու Եղեգնաձորին:

Այդ օրը հայրենասիրության և ոգեշնչման մեծ դաս եղավ բոլորի համար:

Շատ կարևոր դա°ս, որն առհավետ կմնա ներկաների հիշողության մեջ:

Շնորհակալություն Ձեզ, որ սերունդներ եք կրթում և դաստիարակում հայեցի ու հայաշունչ ոգով, հոգևոր ու բարոյական բարձր արժեքներով:  

 

Արմեն Կարապետյան

Պատմական գիտությունների թեկնածու,

ՀՀ ԳԱԱ պատմության ինստիտուտի ավագ

գիտաշխատող, հրապարակախոս

1
1