Հայ
      
     
            Ն Ո Ր Ո Ւ Թ Յ Ո Ւ Ն Ն Ե Ր


     
      5. Արփիի միջնակարգ դպրոցի սաների ծանոթությունը ՎՁՏՊ քոլեջի գործունեության հետ 

    Մասնագիտության ընտրության հարցում կայուն դիրքորոշում ձևավորելու նպատակով, այս անգամ ՎՁՏՊ քոլեջը հյուրընկալեց Արփիի միջնակարգ դպրոցի 9–րդ դասարանի աշակերտներին:

    На данном изображении может находиться: 3 человека, люди стоят и в помещении 
    Վերջիններս՝ դասղեկի և ՎՁՏՊ քոլեջի Կարիերայի կենտրոնի խորհրդատուի ուղեկցությամբ, շրջայց կատարեցին և տեղեկատվություն ստացան քոլեջի ձեռնարկատիրական լսարանի, համակարգչային կենտրոնի և փայտագործության լսարանի մասին, որտեղ՝ աշակերտները հնարավորություն ստացան առավել մանրամասն ուսումնասիրել առկա սարքավորումների և գործիքների կիրառման հնարավորությունները:

    На данном изображении может находиться: 8 человек, люди сидят и в помещении


    Այցի ընթացքում աշակերտներն այցելեցին նաև «Անուշավան Աբրահամյան Կրթական Հիմնադրամի» կողմից հատկացված Գինեգործության ուսումնաարտադրական մաս, որտեղ՝ ոլորտի փորձառու մասնագետը ներկայացրեց, թե ինչպես է կազմակերպվում գինու արտադրական գործընթացը քոլեջի արտադրամասում, և ինչ մասնակցություն կարող է ունենալ քոլեջի «Գինեգործություն» մասնագիտության ուսանողը գինու արտադրական գործընթացում:




        4.      «Սոցիալական գործընկերություն և զարգացում․ համայնքահեն հեռանկարներ երիտասարդների համար» ծրագրի շրջանակներում փորձի փոխանակման նպատակով, Վայոց ձորի տարածաշրջանային պետական քոլեջը հյուրընկալեց Սոցիալական գործընկերության Գորիսի և Սիսիանի համայնքային խորհուրդների ներկայացուցիչներին։


    Այցի ընթացքում մասնակիցները կարողացան ծանոթանալ սոցիալական գործընկերների համագործակցությամբ քոլեջի կողմից իրականացվող ծրագրերին, քոլեջում ներդրված դուալ կրթության համակարգին, ինչպես նաև՝ շրջայց կատարվեց քոլեջի արհեստանոցներում, սոցիալական ձեռնարկությունում, գինու մշակման ու մթերման մառաններում։


    На данном изображении может находиться: 10 человек, люди улыбаются, люди стоят, обувь и в помещении


    Բացի այդ, ԳՈՒՄ ՀԿ-ի ծրագրերի զարգացման ղեկավար Ա.Դանիելյանը հանդիպման մասնակիցներին ներկայացրեց ծրագրի շրջանակներում մշակված և Գորիս ու Սիսիան համայնքներում ներդրված Սոցիալական գործընկերության համայնքային մոդելն ու դրա շրջանակներում իրականացված աշխատանքները։




      3.    Մարդկանց ընկալումները Էֆթանազիայի վերաբերյալ տարբերն են ու հակասական: Հենց այս թեմայի շուրջ էլ ծավալվեց՝ ՎՁՏՊ քոլեջի Իրավագիտություն մասնագիտության 2-րդ և 3-րդ կուրսի ուսանողների մրցույթ-բանավեճը, որին ներկա գտնվեցին ՎՁՏՊ քոլեջի՝ թեմայով հետարքրքրված մի շարք ուսանողներ և դասախոսներ:
    Իրավագիտության դասախոսի օգնությամբ, ԿՈՂՄ և ԴԵՄ թիմերի մասնակցությամբ մեկնարկեց մրցույթ-բանավեճը: Վեր հանելով մի շարք իրավական, հոգեբանական և փիլիսոփայական հարցեր, ժյուրիի որոշման արդյունքում, ընդամենը կես միավորի տարբերությամբ հաղթող ճանաչվեց ԴԵՄ թիմը, որի մասնակիցներն էլ ստացան համապատասխան վկայականներ:

    На данном изображении может находиться: 4 человека, люди сидят и в помещении

    На данном изображении может находиться: 9 человек, люди улыбаются, люди стоят и в помещении



      2.  Եղեգնաձորի երկրագիտական թանգարանում կազմակերպված գաթաթխման մրցույթի մասնակիցները՝ ՎՁՏՊ քոլեջի «Խոհարարական գործ» մասնագիտության 1-ին և 3-րդ կուրսի ուսանողներն էին, ովքեր փորձեցին սահմանված ժամանակի շրջանակներում ներկայացնել հայկական գաթայի պատրաստման և ձևավորման իրենց իսկ տարբերակները: Մրցույթն ավարտվեց 3-րդ կուրսի ուսանողների հաղթանակով, որից հետո ներկաները համտեսեցին երկու թիմերի խոհարարների աշխատանքների արդյունքները:

    На данном изображении может находиться: 2 человека, в помещении

    На данном изображении может находиться: 4 человека, люди стоят и в помещении 

     1. Վայոց-ձորի տարածաշրջանային պետական քոլեջի «Զբոսաշրջություն» մասնագիտության 2-րդ կուրսի ուսանողները՝ Կարիերայի կենտրոնի խորհրդատուի ուղեկցությամբ այցելեցին Եղեգնաձորի երկրագիտական թանգարան և Հայաստանի ազգային պատկերասրահի Եղեգնաձորի մասնաճյուղ՝ ծանոթանալով առկա աշխատատեղերին և աշխատակազմի գործունեությանը: